《 初生母乳餵哺篇-1 》有點長🙈
話說生完BB嗰日我係醫院真係好攰成個人好似冇晒氣力，連講嘢都覺得辛苦咁，加上吊住宮縮藥水，即使我係母乳媽媽都無辦法即時俾BB埋身，所以經醫生建議同屋企人勸勉我好好休息下先為大前提下，決定交BB俾姑娘餵住奶粉先。🍼
到咗第二日，因為隔離床個BB無間斷咁喊令我唔夠瞓，所以我出院返到屋企之後我最期待既第一件事就係大覺瞓(雖然嗰陣時已經感到咪咪有少少谷）😴💤然後係我瞓醒之後我發現一件非常之恐怖嘅事!?⋯⋯就係我對咪咪好似石頭咁硬而且超。級。痛！😭陪月話我應該係開始上奶然後啲乳腺又唔通所以咁，石頭胸最主要原因就係因為我係醫院期間冇比BB密密埋身啜😫雖然我已經即刻用咗電動奶泵幫手但係都冇用，滴滴仔之餘仲痛到飛起,好彩今次個陪月好幫得手，因為佢係佢公司UBaby 學過催乳課程,所以佢即刻幫我按摩經絡穴位等啲乳線通返些少，可惜我食完晚飯之後個胸再次越嚟越硬痛到想死😭陪月收咗工又冇人幫到我嘅時候，我就打電話俾UBaby Agent求救🙏🏻希望可以係最快嘅時間搵到催乳師（明珠）來幫我，但由於當時已經係夜晚嘅11點，佢哋話最快幫我安排到第二朝早八點鐘有催乳師上黎我屋企幫我，我先叫做可以鬆一口氣，所以喺呢個最人生中最黑暗嘅夜晚我依然冇放棄，繼續靠自己將啲黃金初乳一滴滴咁唧出嚟先（最後唧通宵😑因為個胸痛到訓唔到）終於等到天光，等到催乳師～明珠嘅出現！我將我嘅情況講完比佢聽之後，佢幫我做咗個檢查，分析俾我聽我而家嘅情況係輕度嘅乳腺炎，導致咁嘅成因就係我喺醫院期間冇比BB埋身啜加上我返到屋企冇及時將啲奶整出嚟（BB埋身或者唧)佢會透過疏通經絡按摩幫我打通番啲乳腺同催乳，我一路都以為只會按咪咪😜但原來經絡係分部係人體唔同嘅地方，能夠疏通乳腺嘅位置包括有頭、手、腳等等⋯⋯而當明珠幫我按摩嘅時候我直情係舒服到瞓着咗，到最後按咪咪時間，真係痛到想喊😫😫😫其實一般嘅人係唔會覺得痛嘅，因為喺中醫推拿角度來講『不通則痛』，所以我真係塞得好勁😖不過神奇嘅事發生左⋯⋯因爲乳線唔單止通返，啲奶開始越流越多，而且咪咪終於有軟返既蹟象😍果一刻真係好想跳起大叫：「媽呀！我有救啦！」👍🏻明珠仲教咗我煲一啲簡單嘅通乳線茶同D.I.Y 椰菜Bar舒緩我胸部脹痛嘅不適，然後又好關心我，不停俾正能量我，鼓勵我點樣可以繼續我嘅母乳之路！真心好感激有佢嘅出現！多謝#Ubaby及時安排咗明珠黎幫我，而且上門服務啱晒剛剛出院要坐月唔方便出門嘅媽媽！下一次會繼續同大家分享一下網上母乳媽媽比我嘅鼓勵同正能量，同埋其他嘅分享。
P.S 因為當日嘅按摩服務實在太私人啦所以冇影低任何嘅相留念🙈所以po番一張相關服務嘅照片，有興趣既準媽媽、母乳媽媽都可以體驗下💕
Search